kotha bangaru lokam telug song lyrics in telugu font nee prasnalu

Movie: Kotha Bangaru Lokam Music: Micky J Meyer Lyrics: Sirivennela Seetarama Sastri Singer: SP Balasubramanyam Director: Srikanth Addala

 

నీ ప్రశ్నలు నీవే ఎవ్వరూ బదులివ్వరుగా

నీ చిక్కులు నీవే ఎవ్వరూ విడిపించరుగా

ఏ గాలో నిన్ను తరుముతుంటే అల్లరిగా

ఆగాలో లేదో తెలియదంటే చెల్లదుగా

పది నెలలు తనలో నిన్ను మోసిన అమ్మైనా

అపుడో ఇపుడో కననే కననూ అంటుందా

ప్రతి కుసుమం తనదే అనదే విరిశే కొమ్మైనా

గుడికో జడకో సాగనంపక వుంటుందా

బతుకంటే బడి చదువా అనుకుంటే అతి సులువా

పొరపడినా పడినా జాలిపడదే కాలం మనలాగా

ఒక నిముషం కూడా ఆగిపోదే నువ్వొచ్చేదాకా

అలలుండని కడలేదని అడిగేందుకే తెలివుందా

కలలుండని కనులేవని నిత్యం నిదరోమందా

గతముందని గమనించని నడిరేయికి రేపుందా

గతి తోచని గమనానికి గమ్యం అంటూ వుందా

వలపేదో వల వేస్తుంది వయసేమో అటు తోస్తుంది

గెలుపంటే యేదొ ఇంతవరకు వివరించే రుజువేముంది

సుడిలో పడు ప్రతి నావా చెబుతున్నది వినలేవా

పొరబాటున చెయి జారిన తరుణం తిరిగొస్తుందా

ప్రతి పూటొక పుటలా తన పాఠం వివరిస్తుందా

మనకోసమె తనలొ తను రగిలే రవి తపనంతా

కనుమూసిన తరువాతనే పెనుచీకటి చెబుతుందా

కడతేరని పయనాలెన్ని పడదోసిన ప్రణయాలెన్ని

అని తిరగేసాయా చరిత పుటలు వెనుచూడక వురికే జతలు

తమ ముందు తరాలకు స్మ్రుతుల చితులు అందించాలా ప్రేమికులు

ఇది కాదే విధి రాతా అనుకోటం ఎదురీతా

పది నెలలు తనలో నిన్ను మోసిన అమ్మైనా

అపుడో ఇపుడో కననే కననూ అంటుందా

ప్రతి కుసుమం తనదే అనదే విరిశే కొమ్మైనా

గుడికో జడకో సాగనంపక వుంటుందా